🌷"श्रीगुरू धोंडोपंतदादा महाराज भोसेकर चरित्र" व "भोसेकर महाराज फड (इंचगिरी सांप्रदायिक) भजन मालिका" प्रकाशन सोहळा संपन्न🌷

हा प्रकाशन सोहळा माघ शुद्ध दशमी शके१९४७ बुधवार दि.२८ जानेवारी, २०२६ रोजी श्री.भोसेकर महाराज फड,चंद्रभागा वाळवंट, श्री क्षेत्र पंढरपूर येथे सेवानिवृत्त न्यायाधीश ह.भ.प.श्री.विठ्ठल महाराज वासकर (सल्लागार सदस्य श्री विठ्ठल रुक्मिणी मंदिरे समिती)यांच्या अध्यक्षतेखाली व ह.भ.प.श्री.गहिनीनाथ महाराज औसेकर (सहअध्यक्ष श्री विठ्ठल रुक्मिणी मंदिरे समिती ) यांच्या शुभहस्ते, ह.भ.प.श्री.ज्ञानेश्वर महाराज जळगावकर (सदस्य श्री विठ्ठल रुक्मिणी मंदिरे समिती), ह.भ.प.श्री.बापूसाहेब महाराज देहूकर मळोलीकर (श्री संत तुकाराम महाराज वंशज), श्री.महेशजी रोकडे साहेब (मुख्याधिकारी नगरपालिका पंढरपूर) ह.भ.प.श्री.सुधाकर महाराज इंगळे सोलापूर, ह.भ.प.श्री.मोहन महाराज बेलापूरकर, ह.भ.प.श्री.सोपानकाका महाराज टेंभुकर, ह.भ.प.श्री.श्रीकांत महाराज नाशिककर, श्री.सद्गुरू बाजीआण्णा महाराज मठाचे विश्वस्त ह.भ. प.श्री.सुतार, ह.भ.प.श्री. अरुणजी भुजबळसाहेब (सहा. गटविकास अधिकारी पंचायत समिती पंढरपूर) ह.भ.प. श्री.दाजी महाराज मोटे, ह.भ.प. श्री. श्रीकांतमहाराज टेंबुकर ह.भ.प.श्री.भागवत महाराज जळगावकर यांच्यासह समस्त वारकरी फडकरी दिंडीवाले समाज संघटनेचे पदाधिकारी,सभासद नगरसेवक श्री. प्रशांत शिंदे, श्री.बालाजी मलपे ,श्री.विशाल मलपे, श्री.सतिशआप्पा शिंदे ,श्री.प्रशांत मलपे यांच्या उपस्थितीत संपन्न झाला.

•⁠ ⁠या प्रसंगी प्रथमतः 'रामकृष्ण हरि' भजन व 'सोनियाचा दिवस आजी अमृते पाहिला!' या श्री. संत ज्ञानेश्वर महाराज यांच्या अभंगाचे गायन करून शुभारंभ करण्यात आला. शब्दसुमनाने सर्वांचे स्वागत करण्यात आले. सर्व महाराज मंडळी व अतिथी यांचा सन्मान सत्कार ह.भ.प.श्रीगुरु आबासाहेब धोंडोपंत महाराज भोसेकर , ह.भ.प.श्री.गुरुवर्य भाऊसाहेब धोंडोपंत महाराज भोसेकर , ह.भ.प.श्री.शिवराज उर्फ महेश भोसेकर ह.भ .प.चि.वैष्णव भोसेकर ,श्री.ज्ञानेश्वर शेवाळे, श्री.दत्तात्रय पवार,श्री.अर्जुन कोरके ,श्री.किसन खंडागळे ,श्री.सर्जेराव माने तसेच फडावरील साधक,भक्तगण यांच्या हस्ते करण्यात आला. -सद्गुरू सेवा धामचे संस्थापक व फड प्रमुख श्रीगुरू आबासाहेब महाराज भोसेकर यांनी आपल्या प्रास्ताविकातून स्वानंदसुख निवासी अनंत कोटी ब्रह्मानंड नायक श्रीगुरु धोंडोपंतदादा महाराज भोसेकर यांचे चरित्र,कार्य, गुरू परंपरा,तसेच सांप्रदायिक भजन मालिकाचे महत्त्व विषद केले.तसेच वै.धोंडोपंतदादा महाराज भोसेकर व श्री.भोसेकर महाराज फडाचे भागवत धर्मातील विविध संप्रदाय विशेषतः वारकरी संप्रदाय,अनेक फड परंपरा यांच्याशी पिढ्यान पिढ्याचे स्नेहसंबध असल्याचे सांगितले.

•⁠ ⁠श्री.इंगळे महाराज यांनी आपल्या मनोगतातुन महाराष्ट्र, कर्नाटक राज्यात सांप्रदायाचा प्रसार करण्यात श्री.भोसेकर महाराज परंपरेचे मौलिक कार्य असल्याचे सांगितले. -गुरुवर्य श्री.भाऊसाहेब महाराज भोसेकर यांनी आपल्या मनोगतातून वै.महाराजांच्या आठवणी सांगितल्या.

-ह.भ.प.श्री.ज्ञानेश्वर महाराज जळगांवकर यांनी आपल्या मनोगतातून श्री विठ्ठल रुक्मिणीचा आशीर्वाद व्यक्त केला.

-ह.भ.प.श्री. बापूसाहेब महाराज देहूकर मळोलीकर यांनी भागवत धर्मातील सर्व संप्रदाय व परंपरा ह्या श्री विठ्ठल चरणीच मिळत असल्याने सर्व संप्रदाय, फड, परंपरा यांनी एकमेकांविषयी सहिष्णुता बाळगून भागवत धर्म प्रसाराचे कार्य केले पाहिजे. तसेच कार्यक्रमास सर्व फडप्रमुख महाराज मंडळीची व असंख्य भाविक भक्तांची उपस्थित पाहून वै.धोंडोपंतदादा महाराज भोसेकर महाराज यांची मुले,वंशज परंपरा विनम्रपणे चालवीत असल्याची प्रचिती येते ,असे विचार व्यक्त केले.

-ह.भ.प.श्री.गहिनीनाथ महाराज औसेकर यांनी "वै.धोंडोपंतदादा महाराज भोसेकर यांचे चरित्र व सांप्रदयिक भजन मालिका" प्रकाशन झाल्याचे जाहीर करून आपल्या मनोगतातून वै. महाराजांचे पवित्र चरित्र व भजन मालिकाचे आमच्या हस्ते प्रकाशन झाल्याने आमचे हस्त व आम्ही पवित्र झालो वै.धोंडोपंत महाराज भोसेकर हे एक महान संत होते असे सांगितले. -समारंभाचे अध्यक्ष या नात्याने सेवानिवृत्त न्यायाधीश ह.भ.प.श्री विठ्ठल महाराज वासकर यांनी वै.धोंडोपंत महाराज भोसेकर यांच्या कार्याची महती थोडक्यात कथन करून वै.महाराजांच्या मुलांनी पंरपरा उत्तमोत्तम चालवली असून यापुढे ही वंशजांनी ही परंपरा अविरत चालवावी,तसेच या प्रकाशन सोहळ्याचे अध्यक्ष होण्याचे सद्भाग्य लाभल्याचे सांगितले.

-कार्यक्रमाचे शेवटी सर्वांचे आभार धन्यवाद व्यक्त करण्यात आले.

-हा कार्यक्रम यशस्वी होण्यासाठी सद्गुरू सेवाधाम संस्थान वैष्णव नगर पंढरपूरचे सर्व अधिष्ठानप्रमुख,

फडावरील सर्व साधक,भाविक,भक्त यांनी परिश्रम घेतले.

😊 🙏🌹 शिवराज आबासाहेब महाराज भोसेकर